南投縣立育樂國民小學本土語言教育資源網: 本土語言宣導

各位裁判老師，各位朋友，逐家(tak-ke)好，我今仔日我欲(beh)演講的題目是：眠床邊的故事。

自細漢，我就(to)足(tsiok)活潑(huat-phuat)e，欲(beh)睏進前，攏(long)愛人講古予(hoo)我聽。阮阿母尚(siong)gau講故事，伊講的古攏(long)誠(tsiann)趣味，我攏(long)聽甲(kah)耳仔phak-phak-phak。會記e有一個故事尚(siong)予(hoo)人感動，這嗎(tsit-ma)，我就(to)來講予(hoo)逐家(tak-ke)聽。

有一個庄腳人叫做阿發a，イ因(in)某tih欲(beh)(快要)順月(臨盆)的時陣，有一個算命仙就(to)共(ka)伊講，恁(lin)某會生雙生仔哦，ah不閣(m-koh)，其中一個是欲(beh)來報恩的，另外一個是來了尾的。人講算命仔嘴糊累累(hoo-lui-lui)，伊講的話敢(kam)會信e？阿發a才(tsiah)無咧(leh)共(ka)伊信tau咧(leh)。尾a，イ因(in)某真正生一對雙生仔，伊歡喜甲(kah)嘴仔離sai-sai。

時間過了真緊，目一nih，囡仔(gin-a)就(to)十幾歲a 嘍(loo)。大漢的叫做阿雄(hiong)，人骨力閣(koh)知影輕重，厝內大細項代誌(tai-tsi)，攏(long)是伊佇咧(ti-leh)鬥(tau)腳手。照理應該足(tsiok)得(tit)人疼(thiann)才(tsiah)著(tioh)。偏偏仔阿發a疼(thiann)袂(be)入心，有一擺做風颱，阿雄ui厝尾頂跋(puah)落來，腳骨煞(suah)斷去，開足(tsiok)儕(tse)藥(ioh)仔錢。阿發a氣身擼(loo)命，忽然(hut-jian)間，伊想起以前算命仙講的話，敢(kam)講這個囡仔(gin-a)就(to)是彼(hit)個欲(beh)來敗家的了尾仔囝(kiann)？

伊愈想愈無妥當，就(to)心肝掠(liah)坦橫(than-huainn)，共(ka)阿雄戽(hoo)出去。可憐的阿雄，離開厝了後，親像找(tshue)無巢(siu)的孤鳥，無地(te)食，嘛(ma)無地(te)睏，四界去流浪，尾a，伊昏倒佇(ti)這間工場的門腳口。頭家看伊相貌堂堂，未來一定是一個將(tsiong)才，就(to)好心共(ka)伊留落來。

人講拍(phah)折(tsih)手骨顛倒勇，雖然阿雄遭遇這款坎坷(kham-khiat)的命運，伊並無失志，顛倒閣卡(koh-khah)認真閣卡(koh-khah)拍拚，經過真儕(tse)年的奮鬥，真無簡單，阿雄出頭天a，伊變成這間大公司的大頭家，ah不閣(m-koh)，佇咧(ti-leh)阿雄的心肝內，並無真正的滿足佮(kah)快樂，因為伊不時會想起故鄉的父母。離開厝[那麼](hiah-ni)儕(tse)年a，イ因(in)不知影過了好無，半暝仔，伊若想起失去父母疼痛(thiann-thang)彼款的苦楚，心肝就(to)愈親像針佇咧(ti-leh)[刺](ui)。

有一工，伊決定欲(beh)轉去故鄉看一[趟](tsua)。彼工tih欲(beh)到厝的時陣，伊看著一對老大人，踞(khu)佇咧(ti-leh)大路邊共(ka)人分(pun)，斟酌(tsim-tsiok)看，原來是伊的父母。「阿爸阿母，恁(lin)哪會佇(ti)[這裡](tsia)咧(leh)？」兩個老的看著阿雄轉來，感覺足見笑(kian-siau)e，越頭就(to)欲(beh)走。

阿雄雙腳跪落地，目屎流目屎滴，共(ka)イ因(in)扭(giu)tiau-tiau，「恁(lin)勿(mai)走好無？我敢(kam)會目睭金金看恁(lin)佇咧(ti-leh)食苦？厝內到底發生啥麼代誌，你緊共(ka)我講a！」

「唉！寵(sing)豬夯(gia)灶，寵(sing)囝不孝。是你的小弟阿明，予(hoo)我穿甲不(m)是款，這嗎(tsit-ma)厝內田(tshan)地，攏(long)予(hoo)伊敗了了，不(m)才(tsiah)會變甲[這麼](tsiah-ni)悽慘！」

「阿爸，袂(be)要緊，你放心，一切攏(long)交予(hoo)我就(to)好a。」阿雄並無抾(khioh)恨當年イ因(in)老父共(ka)伊趕出去，顛倒轉來有孝(iu-hau)父母，這款的孝心，實在足予(hoo)人感動。人講在生一粒豆，較(khah)贏死了拜豬頭。咱愛趕緊來有孝(iu-hau)咱的父母，勿(mai)等甲父母過身了後，才(tsiah)知影欲(beh)有孝(iu-hau)，he就(to)傷(siunn)慢a loo。

我講完a，多謝逐家(tak-ke)。